సోషల్ మీడియా మాయలో యువత! సాంకేతికతకు బానిసలు కావొద్దు.. లక్ష్య సాధనకు వినియోగించుకోవాలి

(తెలంగాణ ప్రజాగర్జన న్యూస్): నేటి ఆధునిక యుగంలో సోషల్ మీడియా యువత జీవితంలో అంతర్భాగంగా మారింది. ఫేస్‌బుక్, ఇన్‌స్టాగ్రామ్, వాట్సాప్, యూట్యూబ్ వంటి మాధ్యమాలు విజ్ఞానాన్ని పెంపొందించుకునేందుకు, ప్రతిభను చాటుకునేందుకు ఉపయోగపడుతున్నాయి. అయితే కొందరు యువత వీటికి బానిసలుగా మారి విలువైన సమయాన్ని వృథా చేసుకుంటున్నారు.గంటల తరబడి మొబైల్ ఫోన్లలో గడపడం వల్ల ఏకాగ్రత తగ్గడం, చదువుపై ఆసక్తి సన్నగిల్లడం, నిద్రకు ఆటంకం వంటి సమస్యలు ఎదురవుతున్నాయి. మరోవైపు తప్పుడు వార్తలు, సైబర్ మోసాలు, ఆన్‌లైన్ వేధింపుల పట్ల అప్రమత్తంగా ఉండాలి.సోషల్ మీడియాను పూర్తిగా దూరం పెట్టాల్సిన అవసరం లేదు. విద్య, విజ్ఞానం, ఉద్యోగ, ఉపాధి అవకాశాల కోసం సద్వినియోగం చేసుకోవాలి. తల్లిదండ్రులు పిల్లలకు డిజిటల్ వినియోగంపై అవగాహన కల్పించాలి. యువత మొబైల్ వినియోగానికి పరిమితులు విధించుకొని చదువు, ఆరోగ్యం, లక్ష్య సాధనకు ప్రాధాన్యత ఇవ్వాలి.సోషల్ మీడియా మన చేతిలో ఉండాలి కానీ.. మన జీవితాన్ని అది శాసించకూడదు. యువత సమయాన్ని సద్వినియోగం చేసుకుంటూ అభివృద్ధి వైపు అడుగులు వేయాలి.

– వి. జానకి రాములు గౌడ్